⭕👉🏻 *वाशिम:रिसोड तालुक्यातील लोणी खुदँ येथील दलीत अत्याचार पीडित कैलास साठे यांचे पुनर्वसन त्वरित करा अन्यथा जिल्हाधिकारी कार्यालयावर मोर्चा काढू - जगदीश मानवतकर,,,*👈🏻⭕

(वाशिम जिल्हा प्रतिनिधी:अजय गायकवाड) 

⭕👉🏻वाशिम/रिसोड (प्रतिनिधी:लोकतक समाचार) दि:३१ मे बुधवार रोजी वाशिम जिल्ह्यातील रिसोड तालुका स्थानिक लोणी खुर्द ता.रिसोड येथे 21 नोव्हेंबर 2021 रोजी गावातील सवर्ण जातीतील काही गावगुंडांनी शुल्लक कारणावरून साठे कुटुंब आणि पारवे कुटुंब यांच्यावर चहूबाजूंनी घेरून लाठी, काठी ,दगड इ.साधनाचा वापर करून जबर मारहाण केली होती.त्यांचा जीवच ठार करण्याचा प्रयत्न या हल्यात केला होता.खैरलांजी प्रतिगामी प्रकारचे  हे प्रकरण होते आणि तत्कालीन वेळीं ते संपूर्ण महाराष्ट्रात गाजले होते.त्यानतंर अनेक नेते ,कार्यकर्ते आले ज्यांनी या कुटुंबाला भेटून धीर दिला.पण त्यानंतर अनेक आरोपी यांना अटक झाली आणि सर्वच जमानत घेऊन बाहेर आले.सर्व मोर्चे शांत झाले पण या कुटुंबावर सध्या उपासमारीची वेळ आली आहे.गावात त्यांना कोणी चांगल्या प्रकारे वागणूक देत नाही ,दुकानावर सामान देत नाही ,चक्किवर दळून देत नाही असे आरोप कैलास साठे यांनी लावले आहेत.त्यात मातंग समाजाचे 4 ते 5 घर होते ते पण या प्रकारामुळे धास्ती घेऊन गावाच्या बाहेर राहायला गेले आहे.गावात यांच्या जीवाला धोका होवू शकतो म्हणून हे साठे कुटुंब हातावर पोट घेऊन रिसोड येथे भाड्याच्या खोलीत राहायला आले आहे.त्यांच्या घरातील कमावता माणूस कैलास साठे हे असून पण त्यांना डोक्याला ,कमरेला ,पाठीला जबर मारहाण झाली असून त्यांच्या कडून कोणतेही काम होत नाही.म्हणून अश्या साठे आणि पारवे कुटुंबाचे त्वरित पुनर्वसन  शासनाने करावे , त्यांच्या घरातील सदस्याला शासकीय नोकरीत समाविष्ट करावे,त्यांना रिसोड येथे पक्के घर बांधून द्यावे ,त्यांच्या दवाखान्यात मदत व्हावी म्हणून शासकीय आर्थिक  मदत द्यावी अन्यथा वाशीम जिल्हाधिकारी कार्यालयावर मोर्चा काढू अश्या असंख्य मांगण्याचे निवेदन मुख्यमंत्री  एकनाथ शिंदे यांना वाशीम जिल्हाधिकारी कार्यलय तर्फे देण्यात आले.यावेळी AIBTS चे अध्यक्ष जगदीश मानवतकर ( अध्यक्ष AIBTS ) ,दिलीप गायकवाड ( विभागीय अध्यक्ष AIBTS ) ,नितीन बांगर ( वाशीम. ता.अध्यक्ष AIBTS ), मारोती मनेर ( वाशिम ता. अध्यक्ष AIBTS ) , सोनु मनेर ,सदानंद पट्टेबाहदुर, बादल वानखेडे ,सुभाष वाठोरे हे उपस्थित होते.