⭕👉🏻 *वाशिम:"इंडिक टेल्स" व हिंदु पोस्ट वेबसाईटवर वर बंदी आणा लेखकांवर कारवाई करा,,समता परिषदेचे जिल्हा पोलिस अधीक्षकांना निवेदन,,,*👈🏻⭕

(वाशिम जिल्हा प्रतिनिधी:अजय गायकवाड)

⭕👉🏻वाशिम/वाशिम (प्रतिनिधी:लोकतक समाचार)  दि:३१ मे बुधवार रोजी वाशिम येथील सावित्रीबाई फुले यांच्या जीवना बद्दल आक्षेपार्ह लेख लिहिणाऱ्या 'इंडिक टेल्स'आणि 'हिंदू पोस्ट' वेबसाईटवर बंदी आणून लेखकांवर कठोर कायदेशीर कारवाई करणेबाबत वाशिम च्या जिल्हा पोलीस अधीक्षक  यांना आज ता 31 रोजी अखिल भारतीय महात्मा फुले समता परिषदेतर्फे निवेदन देण्यात आले

   'इंडिक टेल्स' आणि 'हिंदू पोस्ट' नामक मनुवादी वृत्ती असलेल्या वेबसाईटवर भारतीय स्त्री शिक्षणाच्या जनक आद्य समाजसुधारक क्रांतीज्योती सावित्रीबाई फुले यांच्या जीवनाविषयी अत्यंत खालच्या पातळीवर जाऊन लिखाण करण्यात आलेलं आहे. शरयू ट्रस्ट नावाची संस्था इंडिक टेल्स ही वेबसाईट चालवते. 'सावित्रीबाई फुलेंची शाळा म्हणजे ब्रिटीश सैनिकांना मुली पुरविण्याची सोय' अशी मांडणी या वेबसाईटवरील लेखामध्ये करण्यात आली आहे.सावित्रीबाई फुलेंच्या कामाबद्दल 'इंडिक टेल्स' च्या लेखात अतिशय अपमानजनक भाषेचा वापर करण्यात आला आहे. हे अत्यंत वेदनादायी आहे. छत्रपती-फुले-शाहू आंबेडकरांच्या महाराष्ट्रात सावित्रीबाईंची बदनामी करण्याचा हा प्रकार अतिशय संतापजनक आणि घाणेरडा असून त्याचा मी तीव्र निषेध करीत आहे.

  क्रांतीज्योती सावित्रीबाई फुले यांनी स्त्रियांना शिक्षण मिळावं आपलं संपूर्ण आयुष्य वेचलं. शिक्षण देत असताना विसाव्या शतकातील तत्कालीन मनुवादी वृत्तीच्या लोकांकडून दगड धोंडे, शेणाचे प्रहार आपल्या अंगावर झेलले. समाजातील विषमता दूर करण्यासाठी आपलं संपूर्ण आयुष्य खर्ची केले. या क्रांतीज्योती सावित्रीबाई फुले यांच्याबद्दल आजही समाजातील दृष्ट प्रवृत्तींकडून प्रहार केला जात आहे. एकविसाव्या शतकात सुद्धा मनुवादी शक्ती पुन्हा एकदा सावित्रीबाई फुलेंवर चिखलफेक करीत आहे. या पोर्टलवर इतिहासाची पुनर्मांडणी या नावाखाली अक्षरशः इतिहासाची मोडतोड सुरु आहे.ही समाजविघातक प्रवृत्ती ठेचण्याची आवश्यकता आहे.

   तरी,सावित्रीबाई फुलेंच्या बदनामी बाबतचा हा विषय शासनाने गांभीर्याने घेवून आक्षेपार्ह लेख लिहिणाऱ्या 'इंडिक टेल्स' आणि 'हिंदू पोस्ट' वेबसाईटवर बंदी आणावी आणि सदर अवमानकारक लेख लिहिणारी वेबसाईट आणि लेखकावर अतिशय कठोर कायदेशीर कारवाई करावी  अशी मागणी निवेेेदनात करण्यात आली आहे निवेदनावर समता परिषदेचे विभागीय अध्यक्ष प्रा अरविंद गाभणे ,जिल्हा अध्यक्ष संतोष गोमाशे सत्यशोधक समाजाचे वाशिम  जिल्हा अध्यक्ष गजानन धामणे समता परिषदे चे जिल्हा उपाध्यक्ष गोविंदराव राऊत ,मालेगाव तालुका अध्यक्ष कपिल भालेराव , विठ्ठलराव ढगे  , विलास भाऊ ढगे मालेगाव तालुका प्रसिद्धी प्रमुख जावेद भवानीवाले बालाजी ठेंगडे,निलेश काळे,संजय इंगोले आदींच्या सह्या आहेत.