⭕👉🏻 *मालेगाव शहरातील उन्हाची पर्वा न करता, विश्वरत्न डॉ. आंबेडकरांना मानवंदना देण्याकरीता उसळला लाखो अनुयायांचा जनसागर,,,* 👈🏻⭕

(वाशिम जिल्हा प्रतिनिधी:अजय गायकवाड)

👉🏻मालेगाव (वाशिम) -: मालेगाल येथील भारतरत्न महामानव डॉ. बाबासाहेब आंबेडकर यांची १३२ वी जयंती दि.१४ एप्रील शुक्रवार रोजी मालेगाव शहरात मोठ्या उत्साहात साजरी करण्यात आली. यानिमित्ताने निघालेल्या रॅलीतील भिमरायाच्या जयघोषाने अवघा आसमंत दणाणून गेला होता.

👉🏻शहरात मागील आठ दिवसापासून भीम जयंती महोत्सवाच्या तयारीला सुरुवात करुन प्रमुख चौक, मार्गावर बाबासाहेबांचे बॅनर लावण्यासोबतच विविध देखावे तयार करुन बुध्द विहार, स्तुपाची रंगरंगोटी करुन आकर्षक रोषणाई व निळे ध्वज व पताकांनी शहर सजविण्यात आल्याने शहराला निळ्या सागराचे रुप आले होते. दरम्यान, शुक्रवारी सकाळपासूनच भिम अनुयायांनी पांढरे शुभ्र वस्त्र परिधान करुन महामानवास अभिवाद केले.                                                                 👉🏻यानंतर दुपारी दोनच्या सुमारास शहरातील तक्षशिला बौद्धविहारापासून डॉ. बाबासाहेब आंबेडकर यांच्या जयंती मिरवणुकीला सुरुवात झाली. तालुक्यातील गावागावाती व शहरातील अबालवृध्द, महिला व तरुणांईसह हजारो बौद्ध  अनुयायांनी पांढरे शुभ्र पोषाख परिधान करून मिरवणुकीत सहभाग घेतला.              👉🏻यामध्ये  सम्राट युवक मंडळ,पंचशील नवयुवक मंडळ, भीमशक्ती नवयुवक मंडळ आदि मंडळांचा उत्स्फुर्त सहभाग नोंदविला. सुशोभीत वाहनांवर डॉ. बाबासाहेब आंबेडकर, छत्रपती शिवाजी महाराज, राजर्षी शाहू महाराज व महात्मा फुले यांचे पुतळे विराजमान करुन ढोल ताशांचा निनाद व जय भीमच्या गजरात मिरवणुकीला सुरुवात झाली.                                   👉🏻दरम्यान,शहरातील अशोकनगर व तहसील कार्यालयासमोरील डॉ. बाबासाहेब आंबेडकरयांच्या भव्य तैलचित्रास पुष्पहार घालून अभिवादन करण्यात आले. सदर मिरवणूक लहुजी पुतळा नगरपंचायत कार्यालय समोरून शिव चौक, डॉ. बाबासाहेब आंबेडकर चौकात पोहचली. यावेळी पंचशील युवक मंडळाच्या वतीने मिरवणुकीत सहभागी हजारो अनुयायांना अल्पोहार देण्यात आला.                                                    

👉🏻 त्यानंतर सदर मिरवणूक जुने बसस्थानक दुर्गा चौक वेटाळ खवले वेटाळ आदी मार्गाने जल्लोषात डॉ. बाबासाहेब आंबेडकर चौकात पोहचल्यानंतर मिरवणुकीची सांगता करण्यात आली. यावेळी ढोल-ताशाचा निनाद व डिजेच्या तालावर तरुणाई बेफान होऊन जय भीम चा नारा देत थिरकत असल्याचे दिसून आले. या मिरवणुकी दरम्यान, कायदा व सुव्यवस्थेच्या दृष्टीने पोलिसांनी चोख बंदोबस्त तैनात केला होता.