⭕👉🏻 *मालेगाव:दारूड्या पतीच्या छळाला कंटाळून दोन मुलींना विहिरीत फेकून स्वतःही घेतली उडी.दोन्ही निष्पाप मुलींचा मृत्यू,,,*👈🏻⭕

(वाशिम जिल्हा प्रतिनिधी:-अजय गायकवाड)

⭕👉🏻मालेगांव (वाशिम):- मालेगाव 14 एप्रिल शुक्रवार  रोजी दुपारी 2.30 ते 3 वाजेच्या दरम्यान तालुक्यातील रेगाव गावात दारुड्या पतीच्या छळाला कंटाळून गेल्या 8/10 दिवसांपासून माहेरी राहणाऱ्या एका विवाहितेने आपल्या दोन निष्पाप मुलींना विहिरीत फेकून दिले. व स्वतःही विहिरीत उडी मारली.                                👉🏻या घटनेत दोन्ही मुलींचा मृत्यू झाला, तर विवाहित महिलेला वाचविण्यात आले आहे. घटनेची सविस्तर माहिती अशी की, रेगाव येथील बबन सदाशिव कांबळे यांची मोठी मुलगी आरती विकास गवई हिचा पती हा नेहमी दारू तिचा छळ करायचा.                                👉🏻 त्यामुळे गेल्या 8 ते 10 दिवसांपासून ती आपल्या दोन मुलींसह रेगाव येथे माहेरी राहत होती. 14 एप्रिल रोजी दुपारी 2 च्या सुमारास आरती गवई तिच्या दोन्ही मुली चिमुकली विकास गवई वय 4 वर्ष आणि श्रुती विकास गवई वय अंदाजे 1 वर्ष सह घरातून निघून गेली. त्यावेळी गावात डॉ.बाबासाहेब आंबेडकर जयंतीची मिरवणूक निघाली होती.                                       👉🏻2.30 च्या सुमारास आरती गवई आपल्या दोन मुलींसह गावाबाहेर जाताना दिसल्याची माहिती गावातील दिलीप गुलाब घुगे यांच्याकडून मिळाल्यावर  बबन कांबळे आपल्या मुलीच्या शोधात निघाले. दरम्यान, रेगाव शेतशिवारातील  समृद्धी महामार्गाजवळ सुरू असलेल्या गॅस पाईपलाईनच्या कामाजवळ असलेल्या गजानन काशीराम घुगे यांच्या विहिरीजवळ लोकांची गर्दी दिसली,   

👉🏻तेथे पोहोचताच बबन कांबळे यांना आरती गवई हिने आपल्या दोन्ही मुलींना जिवे मारण्याच्या उद्देशाने विहिरीत फेकून स्वतः विहिरीत उडी घेतली असल्याचे समजले. तेथे काम करणाऱ्या लोकांनी आरती विकास गवई यांना विहिरीतून जिवंत बाहेर काढले, मात्र तिच्या दोन्ही मुलींचा मृत्यू झाला.  

👉🏻या प्रकरणी बबन सदाशिव कांबळे वय 45 वर्ष यांनी दिलेल्या फिर्यादीवरून मालेगाव पोलीस ठाण्यात आरती विकास गवई हिच्याविरुद्ध गुन्हा क्रमांक 152 / 2023 नोंदवून भादंवि कलम 302 अन्वये प्रकरण दाखल करण्यात आले आहे. या प्रकरणाचा तपास ठाणेदार दत्तात्रय आव्हाळे यांच्या मार्गदर्शनाखाली सहायक पोलीस निरीक्षक पुष्पलता वाघ करीत आहेत.