👉🏻 *જિલ્લા કલેકટર આયુષ ઓકનું વિધાનસભાની ચૂંટણી-૨૦૨૨ માટે શ્રેષ્ઠ આયોજન અને ક્ષતિરહિત મતદાર યાદીની સુદ્રઢ કામગીરી બદલ ચૂંટણી પંચ દ્વારા બહુમાન,👉🏻જિલ્લા કલેકટર દ્વારા ક્ષતિરહિત મતદાર યાદી બનાવવાની સફળ કામગીરી: સફળ અને શ્રેષ્ઠ ચૂંટણી પ્રક્રિયા યોજી ઉત્તમ વહીવટી કામગીરીનો પરિચય કરાવ્યો,👉🏻બારડોલી વિધાન સભાના ચૂંટણી અધિકારી તરીકે શ્રેષ્ઠ કામગીરી બદલ આસિ.કલેક્ટર અને બારડોલી પ્રાંત અધિકારી સ્મિત લોઢા સન્માનિત*

----------------------------------------------

સુરત જિલ્લા:(પ્રતિનિધી)-તા:૨૫ જાનેવારી:બુધવાર:-સુરત:-તા.૨૫મી જાન્યુઆરી- રાષ્ટ્રીય મતદાતા દિને ગાંધીનગરના કોબા સ્થિત ગુજરાત નૅશનલ લૉ યુનિવર્સિટી ખાતે રાજ્યપાલ શ્રી આચાર્ય દેવવ્રતજીની વર્ચ્યુઅલ ઉપસ્થિતિમાં રાજ્ય ચૂંટણી તંત્ર દ્વારા રાજ્ય કક્ષાની ‘રાષ્ટ્રીય મતદાતા દિવસની ઉજવણી’ કરવામાં આવી હતી. જેમાં તાજેતરમાં યોજાયેલી વિધાનસભાની સામાન્ય ચૂંટણી-૨૦૨૨ દરમ્યાન ઉત્તમ કામગીરી કરનાર જિલ્લા ચૂંટણી તંત્રના અધિકારીશ્રીઓને પુરસ્કાર આપી સન્માનિત કરવામાં આવ્યા હતા,,,                                                                             ત્યારે જિલ્લાચૂંટણી અધિકારી અને કલેકટરશ્રી આયુષ ઓકનું ગુજરાત વિધાનસભાની ચૂંટણી-૨૦૨૨ માટે શ્રેષ્ઠ કામગીરી અને ક્ષતિરહિત મતદારયાદીની સુદ્રઢ વહીવટી કામગીરી બદલ રાજ્ય ચૂંટણી કમિશનરશ્રી સંજય પ્રસાદ તેમજ મુખ્ય નિર્વાચન અધિકારીશ્રી પી.ભારતીના હસ્તે ચૂંટણી પંચ દ્વારા પ્રશસ્તિપત્ર તથા રોકડ પુરસ્કાર એનાયત કરી બહુમાન કરવામાં આવ્યું હતું. 

       સાથોસાથ આસિસ્ટન્ટ કલેક્ટર અને બારડોલી પ્રાંત અધિકારીશ્રી સ્મિત લોઢાને બારડોલી વિધાનસભા મતવિસ્તારના ચૂંટણી અધિકારી તરીકે ચૂંટણી પ્રક્રિયામાં નિષ્ઠાપૂર્વક અને સમર્પિતપણે કાર્ય કરવા બદલ સન્માનિત કરાયા હતા.   

       જિલ્લા કલેકટર શ્રી આયુષ ઓકએ વિધાનસભાની ચૂંટણી-૨૦૨૨ અંતર્ગત સુરત જિલ્લામાં સમાવિષ્ટ ૧૬ વિધાનસભા મતદાર મંડળમાં યોજાયેલી ચૂંટણીમાં ક્ષતિરહિત મતદાર યાદી બનાવવામાં આવી હતી. ઉપરાંત તેમણે નમૂનેદાર, સફળ અને શ્રેષ્ઠ ચૂંટણી પ્રક્રિયા યોજી ઉત્તમ વહીવટી કામગીરીનો પરિચય કરાવ્યો હતો. જે બદલ ભારત ચૂંટણી પંચે તેમની નોંધ લઈને પ્રશસ્તિપત્ર તથા રોકડ પુરસ્કાર એનાયત કરવામાં આવ્યા હતા. -૦૦-(સૌજન્ય:સુરત જિલ્લા માહીતી ખાતુ)