⭕👉🏻 *अमरावती :अमरावती पश्चिम मध्ये भारतीय बौद्ध महासभेचे तालुकास्तरीय चिंतन शिबीरे संपन्न,,,* 👈🏻⭕

 (अमरावती/अचलपुर:प्रतिनिधी द्वारा खास बातमी,,,) 

⭕️👉अमरावती :प्रतिनिधि:लोकतक समाचार) दि:०१ आँगस्ट मंगळवार:-अमरावती अचलपूर येथील:-डॉ बाबासाहेब आंबेडकरांनी स्थापन केलेल्या भारतीय बौद्ध महासभेच्या माध्यमातून महाराष्ट्रातील सर्व तालुका पदाधिकाऱ्यांना संघटन वाढीच्या उद्देशाने मार्गदर्शन मिळावे म्हणून राष्ट्रीय कार्याध्यक्ष आद.भिमराव यशवंतराव आंबेडकर यांच्या मार्गदर्शनाखाली महाराष्ट्रातील सर्वच तालुक्यांमध्ये ३० जुलै २०२३ रोजी तालुकास्तरीय चिंतन शिबीरे तसेच सभासद नोंदणी अभियान सभा घेण्यात आल्या, 

   सविस्तर वृत्त असे की दि. २५ जून २०२३ रोजी भारतीय बौद्ध महासभेच्या दादर मुंबई स्थित भारतीय बौद्ध महासभेच्या केंद्रीय कार्यालयात राज्यस्तरीय चिंतन शिबीर घेण्यात आले होते, त्यामध्ये भारतीय बौद्ध महासभेचे कामकाज महाराष्ट्रात जोमाने वाढविण्यासाठी मार्गदर्शन करण्यात आले, त्यानंतर दि. १२ जूलै २०२३ रोजी दादर मुंबई येथील आंबेडकर भवन च्या केंद्रीय कार्यालयातच राष्ट्रीय कार्याध्यक्ष आद. भिमराव यशवंतराव आंबेडकर यांच्या मार्गदर्शनाखाली केंद्रीय तसेच राज्य शाखेची मिटींग बोलाविण्यात आली, त्यामध्ये जिल्हास्तरीय चिंतन शिबीराच्या धर्तीवरंच तालुकास्तरीय चिंतन शबीरे सुध्दा घेण्यात यावी असे ठरले, आणि राष्ट्रीय कार्याध्यक्ष आद. भिमराव यशवंतराव आंबेडकर साहेबांच्या निर्देशानुसार महाराष्ट्रातील सर्वच तालुक्यांमध्ये एकाच दिवशी चिंतन शिबीर घेण्याचे आदेश निर्गमित करण्यात आले,

   राष्ट्रीय कार्याध्यक्षांच्या दिशा निर्देशानुसार अमरावती पश्चिम जिल्ह्यातील पाच तालुक्यामध्ये  जिल्हाध्यक्ष प्रा . डॉ.मुकेश सरदार , जिल्हा सरचिटणीस सतिशदादा इंगोले आणि जिल्हा कोषाध्यक्ष मंगल निताळे यांच्या मार्गदर्शनाखाली चिंतन शिबीरांचे आयोजन करण्यात आले होते,

   *तालुकानिहाय चिंतन शिबीरांची स्थिती* ✍️

अमरावती पश्चिम मधील पाच तालुक्यांमध्ये झालेल्या चिंतन शिबीरांची स्थिती थोडक्यात अशी...

 अचलपुर तालूका, भातकुली तालुका, धारणी तालुका, चांदूरबाजार तालुका तसेच दर्यापूर तालुका यांचा प्रामुख्याने शिबीरांमध्ये समावेश आहे, ह्या सर्व पाचही तालुक्यातील चिंतन शिबीरे खेळीमेळीच्या वातावरणात संपन्न झाले, त्यामध्ये सर्वात जास्त यशस्वी झालेल्या शिबीरामध्ये अचलपूर तालुका आणि भातकुली तालुका आघाडीवर राहीला, त्यानंतर  बौध्दांची कमी लोकसंख्या  असूनही बऱ्यापैकी उपस्थिती आणि सुयोग्य नियोजन धारणी तालुक्याचे होते, नंतर चांदूरबाजार तालुक्याचा चौथा क्रमांक लागतो, तर सर्वात शेवटी राज्य सचिवांचा दर्यापूर तालुका येतो, या तालुक्यामध्ये आयोजन नियोजनाच्या अभावामुळे शिबीरामध्ये पदाधिकाऱ्यांची उपस्थिती अत्यल्प असल्याचे स्वतः जिल्हाध्यक्ष प्रा. डॉ. मुकेश सरदार यांना आढळून आले, कारण दर्यापूर तालुक्याचे मार्गदर्शक म्हणून स्वतः जिल्हाध्यक्षच हजर होते, त्यावर त्यांनी चिंताही व्यक्त केली, याची कारणे जिल्हा कार्यकारिणी शोधणार आहे, राज्य सचिव विजयकुमार चौरपगार यांचा नेटीव्ह तालुका आणि फार जुना तालुका असुनही का मागे राहीला...? यावर जिल्हा पदाधिकारी चिंतन करणार असे विश्वसनीय सुत्रांकडून समजले,

 *अचलपूर तालूक्याचे शिबीर सर्वात यशस्वी*✍️

 त्यामानाने तुलनात्मकदृष्ट्या नुकतीच दि. १७ जूलै २०२३ रोजी गठीत झालेली अचलपूर तालुक्याची कार्यकारिणी, जेमतेम १२-१३ दिवस झालेले कुठलाही अनुभव नसतांना २० वर्षीय नवतरूण तालुकाध्यक्ष आयुष निरंजन इंगळे यांच्या अध्यक्षतेखाली अनुभवी तालुका सरचिटणीस केंद्रीय शिक्षिका आयुनी. संगीता ताई सरदार यांनी सर्व नवतरूण पदाधिकाऱ्यांना सोबत घेऊन, जिल्हा सरचिटणीस सतिशदादा इंगोले यांच्या मार्गदर्शनाखाली अचलपूर तालुक्याचे चिंतन शिबीर शंभर टक्के यशस्वी करून दाखविल्याची पुष्टी मार्गदर्शिका आयुनी. संघमित्राताई आठवले केंद्रीय शिक्षिका तसेच द्वितीय मार्गदर्शक बौध्दाचार्य तथा माजी तालुकाध्यक्ष (दर्यापूर)आद. प्रा. एस. एस. डोंगरे सर यांनी दिली , अचलपुर तालुका हा जिल्हासरचिटणीस सतिशदादा इंगोले यांचा नेटीव्ह तालुका असल्याचे समजते, आणि त्यांच्या अनुभवी आणि अभ्यासू मार्गदर्शनाखाली इथे भारतीय बौद्ध महासभा अश्ववेगाने आद. भिमराव यशवंतराव आंबेडकर साहेबांच्या निर्देशानुसार मार्गक्रमण करीत आहे, तालुका कार्यकारिणी जाहीर झाल्याबरोबर चार ते पाच दिवसांच्या आत तालुक्यातील घोडगाव येथे *भारतीय बौद्ध महासभा तसेच समता सैनिक दलाच्या* ग्रामशाखेचे उद्घाटन करण्यात आले आणि पाच ते सहा ग्रामशाखा उद्घाटनाच्या तयारीत आहेत, ह्याच अचलपूर तालुका कार्यकारिणीला गठित करण्यासाठी विभागीय सचिव विजयकुमार चौरपगार यांनी दि. ९ जूलै २०२३ रोजी अचलपूर येथे संपन्न झालेल्या जिल्हास्तरीय चिंतन शिबीरामध्ये चालू कार्यक्रमात विरोध दर्शविला होता, आणि त्या विरोधाचं रूपांतर त्यांच्या केंद्रीय शिक्षिका असलेल्या पत्नी माधूरीताई चौरपगार यांनी अर्वाच्य शब्दात अरेरावीची भाषा वापरून जिल्हासरचिटणीस यांच्या सोबत भांडण करून वादात रूपांतर केलं होतं, आणि जिल्हासरचिटणीसांचा भर सभेत अपमान केला होता,पण तरीही त्यांच्या त्या विरोधाला न् जुमानता जिल्हासरचिटणीस यांनी अचलपूर तालुक्याच्या कार्यकारिणीची घोषणा केली, आणि त्याच नवख्या कार्यकारिणीने शिबीर यशस्वी करून सर्व जुन्या तालुका कार्यकारिण्यांना मागे टाकलं, त्याचप्रमाणे भातकुली तालुक्याचे चिंतन शिबीर तालुकाध्यक्ष बाळासाहेब चौरपगार यांच्या अध्यक्षतेखाली यशस्वीरित्या संपन्न झाले, भातकुलीच्या चिंतन शिबीरातील उपस्थिती वाखाणण्याजोगी होती, मेळघाट सारख्या अती दुर्गम आदिवासी भागात जिल्हासचिव आद. ललीत कांबळे सर यांच्या मार्गदर्शनाखाली तसेच  आद. राजकुमार खंडारे सर यांच्या अध्यक्षतेखाली धारणी तालुक्याचे चिंतन शिबीर यशस्वी करून धारणी तालुका जोमाने वाटचाल करतांना दिसत आहे, 

 तालुकास्तरीय चिंतन शिबीरांमध्ये केंद्रीय कार्यकारिणीने डॉ. भिमराव यशवंतराव आंबेडकर साहेबांच्या निर्देशानुसार, *प्रबोधनाची आचार संहिता, दि बुध्दिस्ट सोसायटी ऑफ इंडिया अर्थात भारतीय बौद्ध महासभेची संरचना, देशभरातील संस्थेच्या कामकाजाची व्याप्ती, कार्यपध्दती, देशभरातील वाटचाल, संस्थेची महाराष्ट्र राज्यातील सद्यस्थिती, त्याचप्रमाणे जिल्हा तसेच तालुका स्तरावर संस्था भक्कम करण्यासाठी उपाय योजना, संस्थेच्या कामकाजाची पद्धत, कार्यअहवाल ठेवणे, जमा व खर्चाचे लेखे ठेवणे, अडचणी व समाधान,* इत्यादी मुलभूत आणि सखोल विचारांवर मार्गदर्शन करण्यात आले, सोबतच सभासद नोंदणी अभियान सुरू करण्याचे आदेश देऊन त्यासंदर्भातही मार्गदर्शन करण्यात आले, तद्वतच वर्षावास काळात प्रवचन मालिका कटाक्षाने राबविण्यासाठी तसा कृती आराखडा केंद्र तथा राज्यशाखेकडून जिल्हाध्यक्षांच्या मार्गदर्शनाखाली सर्व तालुकाध्यक्षांना देण्यात आला आहे, राष्ट्रीय कार्याध्यक्ष आद. भिमराव यशवंतराव आंबेडकर साहेबांच्या दिशा निर्देशानुसार केंद्र तथा राज्यशाखेच्या मार्गदर्शक तत्त्वानुसार अमरावती पश्चिम जिल्हा कार्यकारिणी, जिल्हाध्यक्ष प्रा.डॉ. मुकेश सरदार यांच्या अध्यक्षतेखाली भारतीय बौद्ध महासभेचे कार्य प्रत्येक तालुक्यात तालुक्यातील गावागावांत आणि गावातील प्रत्येक घराघरात पोहोचविण्याचे कार्य जोमाने करत आहे, असे अमरावती पश्चिम चे जिल्हा सरचिटणीस सतिशदादा इंगोले यांनी आमच्या तालुका प्रतिनिधींना सांगीतले....!!