⭕👉🏻 *वाशिम जिल्ह्यातील मालेगाव येथील बालविकास मंदिर शाळेत प्रवेशोत्सव दिन साजरा,,,*👈🏻⭕

(वाशिम जिल्हा प्रतिनिधी:अजय गायकवाड)              

⭕👉🏻वाशिम/मालेगाव (प्रतिनिधी:लोकतक समाचार) दि:०१ जुलै शनिवार:-वाशिम जिल्ह्यातील मालेगाव येथील तहसील कार्यालया जवळ बोरगाव रोड वरील श्री व्यंकटेश सेवा समिती द्वारा संचालित बालविकास मंदिर प्राथ शाळा मालेगाव येथे शाळा प्रवेशोत्सव दिन साजरा करण्यात आला.                                                   सदर  कार्यक्रमाचे अध्यक्ष शाळेचे मु.अ. विठ्ठल भिसडे , प्रमुख पाहुणे सलिम खान , गोपाल साखरे, रमेश खंदारे कार्यक्रमाला उपस्थित होते. सदर कार्यक्रमाची सुरुवात मान्यवरांच्या हस्ते सरस्वती माता सरस्वती व राजर्षी शाहू महाराज यांच्या प्रतिमेची पूजन करून व हार अर्पण करण्यात आले. यानंतर मान्यवरांचे शाळेच्या वतीने पुष्पगुच्छ व पुस्तक भेट देऊन स्वागत करण्यात आले. नवीन शैक्षणिक सत्र 2023 - 24 अनुषंगाने विद्यार्थ्यांना शाळेचा पहिला दिवस हा त्यांच्यासाठी नेहमी अविस्मरणीय राहावा यासाठी शाळेमध्ये नवोदित विद्यार्थ्यांचे स्वागत करण्यासाठी शाळा प्रवेशोत्सव कार्यक्रम घेण्यात आला. या कार्यक्रमांमध्ये नवोदित विद्यार्थ्यांचे शाळेमध्ये औक्षण करून व पुष्पगुच्छ देऊन मान्यवरांच्या हस्ते स्वागत करण्यात आले. यावेळी विद्यार्थ्यांना पुस्तके वाटप व खाऊ वाटप सुद्धा करण्यात आले.  शाळेचे मुख्याध्यापक विठ्ठल भिसडे  यांनी आपले मनोगत व्यक्त केले त्यांनी बोलताना असे म्हटले की शाळा ही प्रत्येक विद्यार्थ्यासाठी शिस्त आणि संस्काराची शिदोरी देणारी एकमेव अशी जागा आहे येथेच मुले घडविल्या जातात आणि विद्यार्थ्यांच्या सर्वांगीण विकासासाठी आम्ही व शाळेतील शिक्षक कशा पद्धतीने कटिबद्ध आहोत हे त्यांनी यावेळी उपस्थित मान्यवरांना व पालकांना सांगितले. यानंतर मान्यवरांच्या हस्ते व इयत्ता पहिलीच्या नवोदित विद्यार्थ्यांच्या हस्ते शाळेमध्ये वृक्षारोपण सुद्धा करण्यात आले.                                  सदर कार्यक्रमाचे सूत्रसंचालन व आयोजन गणेश इढोळे व योगेश वाळूकर यांनी केले.                                       सदर कार्यक्रमाच्या यशस्वीतेसाठी शाळचे मुख्याध्यापक व सर्व शिक्षक यांनी मोलाचे सहकार्य करून  कार्यक्रम यशस्वी रित्या पार पाडला.