⭕👉🏻 *वाशिम:वाशिम जिल्हाधिकारी व तहसीलदार यांची थेट शेतकऱ्यांच्या बांधावर भेट,,,केनवड मंडळामधील अतिवृष्टिने नुकसान झालेल्या पिकांचे पंचनामे करण्याचे दिले आदेश,,,*👈🏻⭕

 (वाशिम जिल्हा मानद प्रतिनिधी:अजय गायकवाड) 

⭕👉🏻वाशिम/मालेगाव(प्रतिनिधी:लोकतक समाचार) दि:२६ जुलै बुधवार :-वाशिम जिल्ह्यातील रिसोड तालुक्यात मागील काही दिवसापासून सततचा पाऊस सुरू आहे. मात्र दि. २४जुलै रोजी ढगफुटी सदृश्य पडलेल्या पावसामुळे खरीप पिकांचे अतोनात नुकसान झाले. झालेल्या पिकाची पाहणी करण्याकरिता २६ जुलै रोजी जिल्हाधिकारी भुवनेश्वरी एस.यांनी नुकसानग्रस्त भागाची पाहणी केली.

तसेच २५ जुलै रोजी तहसीलदार प्रतिक्षा तेजनकर यांनी देखील नुकसानग्रस्त भागात जाऊन पाहणी केली होती तसेच. सलग दुसऱ्या दिवशी जिल्हाधिकाऱ्यांसह तहसीलदार व महसूल मंडळातील कर्मचारी यांनी थेट शेतकऱ्यांचे बांध गाठून नुकसानी बाबतचा आढावा घेतला आणि शेतकऱ्यांना धीर देण्याचे आश्वासन दिले.

परंतु शासनाचे निकाषा प्रमाणे 65 मी.ली.मीटर पाऊसाची नोंद झाल्या नंतरच नुकसान भरपाई दिल्या जाते.किंवा किती प्रमाणात नुकसान झाले व पिके कोणत्या अवस्थेमध्ये आहेत त्याची सुध्दा आकडेवारी शासनाने जाहीर केलेली आहे.त्यामधे पेरणी किंवा लागवड नुकसान भरपाई 45%,पीक वाढीची अवस्था 60%.फुलोरा अवस्था 75% पक्वता अवस्था 85%,काढणी अवस्था 100%या प्रमाणे शासनाने निकष ठरूवून दिलेले असले तरी पेरणी व लागवडीमध्येच शेतकरी यांचेवर दुबार,तीबार पेरणीचे संकट ओढवलेले आहे.असे असतांना  आता अतिवृष्टीने शेतकरी हतबल झाला आहे.अशा परिस्थितीत भरीव मदत देऊन शेतकऱ्यांना आधार देण्याची गरज असतांना 65 मी.ली.मीटर पाऊसाच्या अटिने शेतकरी अतिशय नैराश्यामधे  आलेला आहे.

तसेच सलग चार ते पाच दिवसांपासून अती मुसळधार पाऊसामुळे काही शेतकर्यांचे शेतातील पिकांवर गाळ साचल्याने 100% पीक वाढणी मधेच नुकसान झालेले आहे.अश्या शेतकऱ्यांना कोणते निकष लावून मदत दिल्या जाते हे पाहणे आता तितकेच महत्वाचे असून या बाबत शेतकऱ्यांमध्ये संभ्रम सुध्दा निर्माण झालेला आहे.तरी शासनाकडून मिळणारी मदत ही अतिशय तुटपुंजी असून भरीव अशीच मदत मिळावी अशी आग्रही मागणी  उपस्थित शेतकरी यांनी मा.जिल्हाधिकारी मॅडम व मा.तहसीलदार मॅडम यांचे कडे केलेली आहे.

त्यानुसार झालेल्या शेतकऱ्यांच्या नुकसानी बाबतचा अहवाल शासनाकडे सादर करून पुढील कार्यवाही करिता जास्तीत जास्त मदत शेतकऱ्यांना करण्याचा प्रयत्न असणार आहे.असे यावेळी तहसीलदार तेजनकर मॅडम यांनी सांगितले.यावेळी  ता.कृषि अधिकारी घोलप मॅडम,मंडळ अधिकारी,तलाठी,कृषि सहाय्यक यांचे सह खूप मोठ्या प्रमाणात शेतकरी बांधव उपस्थित होते.