⭕👉🏻 *मालेगाव :मराठा सेवा संघाचे कार्य छत्रपती शिवरायांच्या विचारानुसार,,,आ.किरणराव सरनाईक,,,सर्व जाती-धर्माचा आदर म्हणुनच सर्वधर्मीय गुणवंत विद्यार्थ्याचा केला सत्कार,,,*👈🏻⭕

(वाशिम जिल्हा प्रतिनिधी:अजय गायकवाड) 

⭕👉🏻वाशिम/मालेगाव (प्रतिनिधी:लोकतक समाचार) दि:२६ जुन सोमवार :-मालेगाव मराठा सेवा संघ ही संघटना छत्रपती शिवरायांच्या विचारावर काम करत असून शिवाजी महाराजांनी ज्याप्रमाणे  सर्व जातीतील धर्मातील मावळ्यांना एकत्र करून त्यांना मानाची पदे दिली .त्यांच्यामधील गुणवत्ता हेरून त्यांना त्यांच्या गुणवत्तेनुसार पदे दिली. त्याचप्रमाणे मराठा सेवा संघ सुद्धा सर्व जाती धर्मातील लोकांना सोबत घेऊन त्यांच्या मधील गुणवत्तेची कदर करून त्यांच्या गुणवत्ता वाढीसाठी त्यांच्या पाठीवर कौतुकाची थाप देण्याचे काम करत आहे .अशा प्रकारचे विचार शिक्षक आमदार किरणराव सरनाईक यांनी मालेगाव येथे बोलताना व्यक्त केले .

 रविवार दिनांक 25 जून रोजी मालेगाव येथे पंचायत समिती सभागृहात मराठा सेवा संघ तालुका मालेगाव च्या वतीने गुणवंत विद्यार्थ्यांचा सत्कार सोहळा आयोजित करण्यात आला होता .या कार्यक्रमाचे अध्यक्षस्थानी शिक्षक आमदार किरणराव सरनाईक हे होते .तसेच प्रमुख उपस्थिती निवासी नायब तहसीलदार रवींद्र भाबड ,मालेगाव पंचायत समितीचे सभापती मधुकरराव काळे ,मराठा सेवा संघाचे  केंद्रीय कार्यकारणी सदस्य प्राचार्य वसंतराव आवचार, राज्य कार्यकारणी सदस्य प्रा भरत आव्हाळे , अॅड शंकरराव मगर, प्रा बी के देशमुख तसेच मराठा सेवा संघाचे तालुका अध्यक्ष अनिल गवळी यांची प्रमुख उपस्थिती होती.जिजाऊ वंदने नंतर  बोलताना रवींद्र भाबड म्हणाले की सत्कार सोहळ्याच्या कार्यक्रमामधून विद्यार्थ्यांच्या पाठीवर कौतुकाची थाप पडत  असल्यामुळे विद्यार्थ्यांना पॉझिटिव्ह एनर्जी मिळत असते. असे सांगून ते म्हणाले की मराठा सेवा संघ  सामाजिक कर्तव्य भावनेतुन दरवर्षी गुणवंतांचा गौरव करत असतो ही खरोखर कौतुकाची बाब आहे. विद्यार्थ्यांनो ही तुमची मंजिल नाही तर ती सुरुवात आहे. गुणवत्ताही जाती धर्मातून नाही तर ती कर्तृत्वातून येत असते .स्पर्धा परीक्षेमध्ये प्रचंड स्पर्धा असून ज्या विद्यार्थ्यांमध्ये कष्ट करण्याची तयारी आहे त्यानेच या क्षेत्राकडे वळले पाहिजे असे सांगितले. यावेळी प्रा भरत आवळे म्हणाले की अभ्यासामुळे व वाचनामुळे विद्यार्थ्यांचे मस्तक सशक्त होत असते आणि सशक्त झालेले मस्तक कोणाची हस्तक होत नाही . त्यामुळे ते कोणापुढेही नतमस्तक होत नाही.यावेळी वर्ग १o वी , १२ वी, निट , सीईटी , एमपीएससी , या परीक्षेत यश संपादन करणाऱ्या गुणवंतांचा मोमेंटो , प्रमाणपत्र , पुस्तक व पुष्पगुच्छ देऊन उपस्थीत मान्यवरांच्या हस्ते सत्कार करण्यात आला . कार्यक्रमाच्या प्रास्ताविकामधुन प्राचार्य वसंतराव अवचार म्हणाले की , गेल्या वीस वर्षापासून सर्व जाती धर्मातील गुणवंत विद्यार्थ्यांना सन्मानित करण्याचे काम मराठा सेवा संघ सामाजिक भावनेतून दरवर्षी करत आहे. याच गुणवंत विद्यार्थ्यांमधून मधून उद्याचा समृद्ध भारत घडणार आहे. कुठेही गेले तरी आपल्या आई वडील आपली मातृभूमी, शिक्षक व शाळा तसेच समाज यांना विसरू नका यांच्यामुळेच तुम्ही ज्या पदावर आहात ते पद तुम्हाला मिळाले आहे याची जाणीव ठेवा. असेही ते म्हणाले . कार्यक्रमाचे संचालन नागेश पाटील कव्हर तर आभार प्रदर्शन अनिल गवळी यांनी केले . कार्यक्रमाला सुमारे 70 विद्यार्थी व विद्यार्थिनी तसेच त्यांचे पालक यांना सन्मानित करण्यात आले. कार्यक्रमाच्या यशस्वीतेसाठी प्रा अनंतराव गायकवाड तसेच प्रशांत वाळझुकर ,मनोज वाझुळकर, , बाबुराव जाधव, शेषराव जाधव ,विजय देवळे आदींनी परिश्रम घेतले.