⭕👉🏻 *वाशिम शहर पो.स्टे.स्थानिक गुन्हे शाखा पथकाची अवैध गुटखा विक्री करणाऱ्यांवर धाड,,,वाशिम शहर पो.स्टे.व जऊळका पो.स्टे.हद्दीतुन पोलीसानी ८८.४० हजारांचा वेगवेगळ्या कंपनीच्या तंबाखु,पान,मसाला,गुटखा,मुद्देमाल जप्त,,,*👈🏻⭕

(वाशिम जिल्हा प्रतिनिधी:अजय गायकवाड)

  ⭕👉🏻वाशिम/मालेगाव (प्रतिनिधी:लोकतक समाचार)दि:१९ मे शुक्रवार :-मालेगाव नागरिकांच्या आरोग्यास धोकादायक असलेल्या तंबाखू व तंबाखूजन्य पदार्थांची साठवणूक, विक्री व वाहतूक करण्यावर शासनाने प्रतिबंध केला असूनदेखील काही इसम छुप्या मार्गाने तंबाखू व तंबाखूजन्य पदार्थांची साठवणूक, विक्री व वाहतूक करण्याचा प्रयत्न करतात. अशा आरोपींविरुद्ध विशेष मोहीम राबवून कडक कायदेशीर कारवाई करण्याचे आदेश मा.पोलीस अधीक्षक श्री.बच्चन सिंह (IPS) यांनी दिले आहेत. 

     त्या अनुषंगाने स्थानिक गुन्हे शाखा, वाशिमच्या पथकाने महाराष्ट्र शासनाकडून प्रतिबंधित असलेल्या वेगवेगळ्या कंपनीचा गुटखा पो.स्टे.वाशिम शहर व पो.स्टे.जऊळका हद्दीतून ८८,३९८/-रुपयांचा गुटखा जप्त केला आहे. गुप्त बातमीदारांमार्फत मिळालेल्या मिळालेल्या माहितीच्या आधारे पो.स्टे.जऊळका हद्दीत ०३ वेगवेगळ्या ठिकाणी धाडी टाकत तीन आरोपींकडून वेगवेगळ्या कंपनीचा गुटखा व पान मसाला असा एकूण अं.किं.८४,०८८/-रु.मुद्देमाल जप्त केला आहे. त्याचबरोबर वाशिम शहरातील पुसद नाका परिसरातील पानपट्टीमध्ये तपासणी केली असता महाराष्ट्र शासनाने प्रतिबंधित केलेला वेगवेगळ्या कंपनीचा गुटखा जप्त केला आहे. सदर धाडीमध्ये एका आरोपीकडून विविध वेगवेगळ्या कंपनीचा गुटखा व पान मसाला अं.किं.४,३१०/-रु.मुद्देमाल जप्त केला आहे. अश्या एकूण ०४ कारवायांमध्ये ०४ आरोपींकडून एकूण ८८,३९८/-रुपयांचा गुटखा मुद्देमाल जप्त करण्यात आला असून सदर आरोपींवर पो.स्टे.वाशिम शहर व पो.स्टे.जऊळका येथे कलम १८८, २७२, २७३, ३२८, ३४ भादंवि सहकलम ५९ अन्न सुरक्षा आणि मानके अधिनियम अन्वये गुन्हा दाखल केला असून पुढील कायदेशीर कारवाई सुरु आहे. अवैध धंद्यांविरुद्धचे धाडसत्र यापुढे देखील असेच सुरु राहणार आहे.

     सदरची कारवाई पोलीस अधीक्षक श्री.बच्चन सिंह (IPS) यांचे मार्गदर्शनात पोनि.सोमनाथ जाधव, स्थानिक गुन्हे शाखा, वाशिम यांचे पथक पोउपनि.शब्बीर खा पठाण, पोहवा.किशोर चिंचोळकर, दीपक सोनवणे, पोना.प्रशांत राजगुरू, प्रविण राउत, राजेश राठोड, अमोल इंगोले, पोकॉ.निलेश इंगळे, संतोष शेनकुळे, डीगांबर मोरे, अविनाश वाढे, विठ्ठल सुर्वे, मपोना.संगीता शिंदे, रेश्मा ठाकरे यांनी पार पाडली. सर्व जनतेस सुजाण नागरिक या नात्याने अशा प्रकारची काही तक्रार असल्यास नियंत्रण कक्षास माहिती द्यावीत्या इसमाचे नाव गोपनीय ठेवण्यात येईल, असे आवाहन वाशिम जिल्हा पोलीस दलातर्फे करण्यात येत आहे.