⭕👉🏻 *वाशिम जिल्ह्यातील रिसोड येथे किराणा दुकानातुन अज्ञात चोरट्याने भरदिवसा 5 मिनिटात दीड लाख रुपये उडवले,,,*👈🏻⭕

(वाशिम जिल्हा प्रतिनिधी:अजय गायकवाड) 

⭕👉🏻वाशिम /रिसोड (प्रतिनिधी:लोकतक समाचार) दि:३० मे मंगळवार:-वाशिम जिल्ह्यातील रिसोड येथील घटना ग्राहक असल्याचे भासवून किराणा दुकानातून अज्ञात चोरट्याने दिवसाढवळ्या दीड लाख रुपयांची रक्कम चोरून नेल्याची घटना 28 मे रोजी सकाळी 11 वाजता रिसोड शहरातील सिव्हील लाईन वर असलेल्या त्रिमूर्ती किराणा दुकानात घडली.  ही संपूर्ण घटना सीसीटीव्हीत कैद झाली असली तरी, चेहऱ्यावर मास्क लावलेला असल्याने त्याला शोधण्याचे आव्हान पोलिसांसमोर निर्माण झाले आहे.  याबाबत पोलीस सूत्रांकडून मिळालेली माहिती अशी की, हरीश गंगाधर अग्रवाल यांनी पोलीस तक्रारीत म्हटले आहे की, ते नेहमीप्रमाणे दुकान उघडून व्यवसाय करत होते. सकाळी 10:30 च्या दरम्यान ते त्यांच्या दुकानात काम करणाऱ्या एका व्यक्तीसोबत पाणी आणण्यासाठी गेले होते.  यादरम्यान एक मास्क घातलेला व्यक्ती ग्राहक म्हणून दुकानात आला आणि त्याने दुकानात उपस्थित असलेल्या हरिष यांच्या वडिलांना काही वस्तू देण्यास सांगितले.  हरिषचे वडील सामान देत असताना चोरट्याने गल्यातील दीड लाखाची रक्कम काढून तेथून निघून गेला.  पोलिसांनी अज्ञात चोरट्याविरुद्ध गुन्हा दाखल करून पुढील तपास सुरू केला आहे.

 ही सर्व रक्कम अज्ञात चोरट्याने 5 मिनिटात चोरून नेल्याची घटना सीसीटीव्हीमध्ये कैद झाली आहे, दुकान व परिसरातील सीसीटीव्ही कॅमेरे पाहिल्यावर अज्ञात चोरट्याने एकूण ही रक्कम 5 मिनिटात चोरल्याचे निष्पन्न झाले.