⭕👉🏻 *वाशिम जिल्हातील मालेगावशहरा बाहेरुन जाणारा बायपास वरील घटना,,, ट्रकने अचानक ब्रेक लावला, मागून दुचाकीवर येणारा तरुण धडकला,,,*👈🏻⭕

(वाशिम जिल्हा प्रतिनिधी:अजय गायकवाड)

⭕👉🏻मालेगांव (वाशिम):-दि:23 एप्रिल रविवार: मालेगाव शहराबाहेरून जाणाऱ्या बायपासवर 23 एप्रिल रोजी सकाळी 9.45 वाजता एक रस्ता अपघात झाला, त्यात मोटारसायकलस्वार गंभीर जखमी झाला. जमलेल्या लोकांनी दुर्घटनेची माहिती पोलिसांना दिली, माहिती मिळताच महामार्ग सुरक्षा पथक अमानीचे पोलीस तातडीने घटनास्थळी पोहोचले, जखमीला शासकीय वाहनाने मालेगावच्या ग्रामीण रुग्णालयात नेण्यात आले.

👉सविस्तर वृत्त असे की, राष्ट्रीय महामार्ग क्रमांक 161 वर आज सकाळी 9.45 च्या सुमारास एम.पी. 09 एच.एच. 7986 क्रमांकाचा ट्रक वाशिमहून अकोल्याच्या दिशेने जात होता. 

👉वाशिम येथील नीलेश मालवे (32) हे त्यांच्या एम. एच. 37 एच. 5818 क्रमांकाच्या मोटारसायकलने ट्रकच्या मागे अकोल्याच्या दिशेने जात होते. दरम्यान, मालेगांव बायपासवर असलेल्या भारत पेट्रोल पंपासमोर ट्रकने अचानक ब्रेक लागल्याने मोटरसायकल ट्रकच्या मागून आदळली. सदर अपघातात निलेश मालवे गंभीर जख्मी झाले. अपघात घडताच आजुबाजुला असणारे बरेच लोक घटनास्थळी जमा झाले. जमलेल्या लोकांनी अपघाताची माहिती महामार्ग सुरक्षा पथक अमानी येथे दिली.माहिती मिळताच महामार्गावर पेट्रोलिंग करीत असलेले सहायक पोलिस निरीक्षक राजेंद्र मोरे पोलिस कॉन्स्टेबल गणेश गावंडे, शरद भोयर, सतिष गुडदे, चालक पोलिस कॉन्स्टेबल आनंदा काकडे त्वरित घटनास्थळी दाखल झाले. पोलिसांनी सरकारी वाहनाने जखमीला मालेगांव च्या ग्रामीण रुग्णालयात दाखल करून अपघातग्रस्त वाहने रस्त्यावरून हटवून महामार्गावरील वाहतूक सुरळीत केली.