⭕👉🏻 *कारंजा कृषी उत्पन्न बाजार समिती करीता ३० एप्रिल रोजी मतदान,,,कारंजा बाजार समिती निवडणुकीत रंगत वाढली . निवडणूकीच्या रिंगणात चार पॅनल,,,** 👈🏻⭕

(वाशिम जिल्हा प्रतिनिधी:अजय गायकवाड)

⭕👉🏻वाशिम /कारंजा(प्रतिनिधी:लोकतक समाचार) :-कारंजा कृषी उत्पन्न बाजार समितीच्या निवडणुकीत कारंजा तालुक्यात उन्हाचे चटके वाढले असले तरी कृषी उत्पन्न बाजार समितीच्या निवडणुकीच्या प्रचार कार्यात सर्वच पॅनल जोर लावनांना दिसून येत आहे. या निवडणुकीच्या रिंगणात १८ सदस्यांच्या निवडीसाठी चारही पॅनलचे ७० उमेदवार रिंगणात आहेत . या निवडणुकीत २३२० मतदार मतदान करणार आहेत. ३० एप्रिल रोजी ही निवडणूक होणार असून त्यानंतर निवडणुकीचा निकाल जाहीर होणार आहे . या निवडणुकीतील चारही गटांना चिन्ह वाटप करण्यात आले आहे . या निवडणुकीच्या मैदानात दिवंगत माजी आमदार प्रकाशदादा डहाके यांच्या पत्नी श्रीमती सईताई डहाके स्वता आहेत सोबत माजी.न.पा. शहराध्यक्ष दत्ता डहाके, युसूफ सेठ पुंजानी, जुनी मात्तबर सहकर क्षेत्रातील जाणकार प्रभावी मंडळी प्रचारात आहे . तर दुसरीकडे आमदार राजेंद्र पाटणी आणि माजी मंत्री स्व . बाबासाहेब धाबेकर यांचे पुत्र सुनिल भाऊ धाबेकर एकत्र आले आहेत . तसेच वाशिम जिल्हा परिषद अध्यक्ष चंद्रकांत दादा ठाकरे यांनी ही आपले पॅनल उभे केले आहे . समाज क्रांती आघाडीचे हंसराज शेंडे यांनीही इच्छूकांना सोबत घेत या निवडणूकीत उडी घेतली आहे . प्रत्येक पॅनल मतदारांना मतांचा जोगवा मागतांना दिसत आहे . निवडणूक अगदी तोंडावर आल्याने सर्वच उमेदवार ;पॅनलप्रमूख प्रचार कार्यात तालुक्यात ताकदीने प्रचाराचे कामाला लागले असल्याचे चित्र आहे .  सहकार क्षेत्रातील जुण्याजानत्या नेत्यांनीही प्रचारासाठी आपआपल्या गटाचे उमेदवार निवडून आणन्यासाठी कंबर कसली आहे . सर्वच पॅनल चे नेते कार्यकर्ते या निवडणुकीसंदर्भात ठिकठिकाणी कॉर्नर सभाही घेत आहेत. त्याचबरोबर निवडणुकीपर्यंत मतदारांना गुंतवून ठेवणे ; मतदारांना आकर्षित करण्यासाठी आश्वासने देतअसल्याची  चर्चा ऐकायला मिळत आहे.यावेळी अनेक उमेदवार पहिल्यांदा नव्याने आले भाग्य अजमवित आहे .काही उमेदवार आपला विजय निश्चित करण्यासाठी स्वबळावरही प्रचार करत आहे.कारंजा कृषी उत्पन्न बाजार समितीत गेल्या २५ वर्षांपासून माजी आमदार दिवंगत प्रकाशदादा डहाके यांच्या गटाची सत्ता आहे.यावेळी मतदार राजा कुणाच्या बाजूला कौल देणार याबाबत तालुक्यातील जनतेत उत्सूकता आहे 

कारंजा कृषी उत्पन्न बाजार समितीमध्ये सेवा सहकारी संस्थेचे ७९५ मतदार, ग्रामपंचायतीचे ७५६ मतदार,अडते ३३८ मतदार, व्यापारी १२९ मतदार, हमाल २५० मतदार तर मापारी ५२ मतदार आहेत.