⭕👉🏻 *इंस्टाग्राम या सोशल मीडियावर पोस्ट प्रसारित केल्याने मालेगाव पोलीस स्टेशन येथे अज्ञात इसमा विरुद्ध गुन्हा दाखल,,,*👈🏻 ⭕

      

(वाशिम जिल्हा प्रतिनिधी

अजय गायकवाड) 

👉🏻वाशिम जिल्ला:मालेगाव:--जातीय तेढ निर्माण होईल व धार्मिक भावना दुखावतील अशा  प्रकारचे फोटो व मजकूर सोशियल मीडियावर प्रसारित करणाऱ्या अज्ञात इसमा विरुद्ध मालेगाव पोलिसांनी तारीख २ मार्च रोजी रात्री साडे अकरा वाजताचे सुमारास सदर गुन्हा दाखल केला आहे .

     मोहम्मद मुस्सवीर शेख मुजीब वय २३ वर्ष राहणार गांधीनगर मालेगाव यांनी दिलेल्या फिर्यादीनुसार कोणीतरी अज्ञात व्यक्तीने त्याचे स्वतःचे इंस्टाग्राम अकाउंट वर खोटी आयडी तयार करून जातीय तेढ निर्माण होईल व धार्मिक भावना दुखावतील अशा प्रकारे मुस्लिम समाजाच्या धार्मिक भावना दुखावणारे अल्लाचे फोटो व अल्ला बाबत आक्षेपार्ह मजकूर सोशल मीडियावर प्रसारित केला . त्यामुळे मुस्लीम बांधवांमधे तिव्र संताप व्यक्त केला जात आहे . ज्या अज्ञात इसमाने मुस्लिम समाजाच्या धार्मिक भावना दुखावणाऱ्या पोस्ट इंस्टाग्राम या सोशल मीडियावर ॲप करून प्रसारित केल्या . त्या पोस्टचे स्क्रीनशॉट काढून ते पुढील कार्यवाही करीता सदर फिर्यादी सोबत जोडून पोलीस स्टेशनला देण्यात आले आहेत . . सदर प्रकरणी अज्ञात ईसमाविरुद्ध कलम १५३ अ , २९५ अ भा दं वि नुसार गुन्हा दाखल करण्यात आला असून पुढील तपास ठाणेदार दत्तात्रय आव्हाळे हे करीत आहेत .