⭕👉🏻 *पांगरी कुटे येथील दोन शेतकय्याच्या शेतशिवारात सोलर पंपाच्या ३७ प्लेटांची चोरी,,,सुमारे ६ लाख रुपयाचा ऐवज अज्ञात चोरट्यांनी केला लंपास,,,ठाणेदारांनी फिर्यादी शेतकऱ्यांना ३ तास ठेवले ताटकळत ,,,*👈🏻⭕

(वाशिम जिल्हा प्रतिनिधी अजय गायकवाड)

 👉🏻मालेगाव -:दि:२१ माचँ मंगळवार:--पांगरी कुटे येथील दि:१९ माचँ रविवार रोजी पांगरी कुटे येथील रात्री च्या दरम्यान दोन शेतकऱ्यांच्या शेतातील विहीरीवर असलेल्या सोलर पंपच्या एकुण ३७ सोलर प्लेट अज्ञात चोरट्यांनी चोरून नेल्याची घटना १९ मार्च चे रात्री दरम्यान घडली . ज्यांची बाजार भावाने जवळपास ६ लाख रुपये इतकी किंमत आहे . सदर चोरीची फिर्याद देण्यासाठी फिर्यादी शेतकऱ्यांना सुमारे तीन तास ताटकळत बसावे लागले . त्यामुळे सदर शेतकऱ्यांनी संताप व्यक्त केला आहे .

        👉🏻पांगरी कुटे येथील शेतकरी राजु कुंडलीक कुटे यांच्या शेतातील विहीरीवर सिंचनासाठी शासनाच्या योजनेतुन टाटा कंपनीचा ७ .५ एच . पी . चा सोलर पंप सुमारे दिड वर्षा पूर्वी बसवण्यात आला होता . त्या पंपाला चालण्याकरीता एकुण २० सोलर प्लेटा बसवण्यात आल्या होत्या त्या पैकी १८ प्लेटा १९ मार्चच्या रात्री दरम्यानकुणीतरी अज्ञात चोरट्यांनी चोरून नेल्या . सदर शेतकऱ्यांनी शेतीच्या आजूबाजूच्या परिसरात सोलर प्लेट चा शोध घेतला मात्र त्या मिळून आल्या नाही . सदर पंप व सोलर प्लेट करीता  शासनाच्या योजनेतून एकुण किंमतीच्या ५ टक्के रक्कम म्हणजे ३३४५५ रुपये भरण्यात आली होती .बाजार भावाने एका प्लेटची किमान किंमत सुमारे १६ हजार रुपये इतकी आहे. 

       👉🏻तसेच त्याच रात्री शेषराव नाथा कुटे यांच्या शेतातील शक्ती कंपनी च्या एकुण १९ प्लेटा अज्ञात चोरट्यांनी चोरून नेल्या . त्याची फिर्याद त्यांनी मालेगांव पोलीस स्टेशनला २० मार्च रोजी दिली . अशा एकुण ३७ प्लेटाची बाजार भावाने किंमत सुमारे ६ लाख रुपये इतकी होते . पोलीसांनी मात्र फिर्यादी शेतकर्‍याने ५ टक्के रक्कम भरल्याच्या पावतीचीच किंमत फिर्यादी मधे लिहीली आहे . उर्वरित ९५ टक्के रक्कम चोरीच्या साहित्याची किंमत जास्त होते म्हणुन लिहीली नसण्याची शक्यता आहे . 

     👉🏻सदर शेतकरी २० मार्च रोजी दुपारी ३ वाजता च्या सुमारास फिर्याद देण्यासाठी  पोलीस स्टेशन मधे सोबतच आले होते . सदर सोलर पंप हे एका शेतकऱ्याचा टाटा कंपनी व दुसऱ्याचा शक्ती कंपनीचा असुन त्यांचा पाच वर्षापर्यंतचा विमा कंपनी कडुनच देण्यात आला आहे . त्याचा क्लेम करण्यासाठी त्यांना वेगवेगळ्या फिर्यादीची आवश्यकता होती . मात्र पोलीसांनी त्या दोघांची एकच फिर्याद नोंदविण्याचा आग्रह धरला . मात्र शेतकरी त्यांना वारंवार विनंती करत होते की आम्हाला विम्यासाठी कंपनीला वेगवेगळ्या नावाने  फिर्याद आवश्यक आहे . मात्र पोलीसांनी दोघांची एकच फिर्याद लिहुन घेऊन सदर शेतकऱ्यांना वेठीस धरण्याचा प्रयत्न केला . या बाबतीत ठाणेदार आव्हाळे यांना संपर्क साधला असता त्यांनी अनेकदा फोन करूनही तो उचलला नाही . नंतर साधारण दोन तासांनी ते आले . आणी सदर शेतकऱ्यांनाच दरडावण्याची भाषा करत त्यांनीही एकाच फिर्यादी चा आग्रह धरला . त्यांना अडचण समजाऊन सांगण्याचा प्रयत्न केला असता " माझेशी वकीली भाषेत बोलु नका . मला समजते काय करायचे ते . मला चौकशी करू द्या "असे म्हणुन त्यांनी फोनवरून तशी चौकशी केली . तेव्हा कुठे त्यांनी तासा भरांनी सदर शेतकऱ्यांची वेगवेगळी फिर्याद दाखल केली . म्हणजे पोलीसांच्या पुढील त्रासाला टाळण्यासाठी ठाणेदारांनी सदर शेतकऱ्यांना दमदाटी तर केलीच उलट  तीन तास ताटकळत ठेवले . त्यामुळे संबंधीत शेतकरी संताप व्यक्त करत होते .